مرحباً بكم جميعاً أحبائي، أصدقائي، زواري..
ها هي أول رواية لي بعنوان 32 يوم يقوم بنشرها دار رواية المتخصصة في هذا المجال، فهي دار ذات توجه سليم تسير بخطى جيدة.
رابط موقعهم دار رواية
بإذن الله ستصدر أول مرة في معرض الكتاب الدولي القادم بتاريخ 2011/3/1م ويعتبر هذا أول إنجاز لي وأول أمنية تتحقق في سنة 2011م
مقدمة الرواية..
عقوبة حلت بالعالم....
32 يوم من الخوف....والجوع ...والألم ..والموت.
عائلة البيتوني بدأت حياتها الجديدة في إحدى المجمعات السكنية في العاصمة.
ولكن لم تدم الفرحة بالمنزل ...
إلا وبداية العقوبة تبدأ...
فهل ستنجو العائلة بعد مرور 32 يوم ؟
وهل ستكون الأيام سهلة عليهم؟
هذا ما ستعرفونه بين صفحات تلك القصة المعبرة.
بإذن الله تحوز الرواية على إعجاب ولو جزء بسيط من أفكاركم ..أتمنى منكم مشاركتي الفرحة وإبداء توقعاتكم لرواية
ملاحظة:- تم تعديل الصورة بصورة أكثر وضوحاً
ماشاء الله تبارك الرحمن الرواية تبدو لي رائعة
ردحذفومن بدايتها ومقدمتها تبدو لي مشوقة
بانتظارها في معرض الرياض الدولي
دمت متميز وأكثر يااستاذ
:]
ردحذفما شاء الله ..
ردحذفبالتوفيق ...
شكراً على مروركم الكريم..
ردحذفالأخ عبدالرحمن/ مسموح لك تعبر بشكل أكبر ..
زحمة حكي/ شكراً لك على حماسك، بإذن الله تنال إعجابك
لغة الذوق/ ....ما أوصيك على الرواية ....
ابداع جديد من يد حبيبنا تركي ..
ردحذفاول الكتب المقتناة من معرض الكتاب بإذن الله ..
نتمنى اننا نتشرف بتوقيع من المؤلف عليه ..
الى لقاء
سعد
روايه انا الحين اقراها مراااا ارووععاا تههببل ما شاء الله عليك كتابتك لروايات مراا روعا
ردحذفواصل
انا تو خلصت الروايه قبل شوي وعندي كم انتقاد لها
ردحذفاولا اللغه لك عليها في بعض الاخطاء مثل صفحة 23 السطر الخامس (قال لعمر مرقعا صراحة ابنه) ماتوقع هالجمله موجوده باللغه العربيه وماتوقع في احد بيفهمها غير الشعب السعودي ;^_^
ثانيا النهايه كانت شبه نهايه وغير مرضيه مع الاسف وبيني وبينك انا انقهرت منها وش صار في فله وابوها وجدها وسلوى؟ لما راحو مدينة النور لقو الجثث مرميه صح ان الجو تعدل ورجعت الحياه لكن كيف ياترى رجعو لحياتهم الطبيعيه :) وهل قابلو عمر وزوجته ووش صار معهم ؟
وثالثا ليه الحكومات والشركات في البدايه ماتصرفو ؟ كيف ينهار العالم بسرعه اول مابدأ الانحباس الحراري ؟
ورابعا الروايه طويله جدا وكان بأمكانك تختصر بعض احداثها بشكل جميل من دون هالتفصيل المبالغ فيه
وخامسا جو الروايه غلط مع الأخذ بالاعتبار ان الي كاتبها شاب سعودي لان فيها اختلاط وهذا شي مو موجود بمجتمعنا المسلم العربي عموما يعني مبين ان عائلة نصر مسلمه وايضا عائله جيرانهم فماتوقع بيصير عادي عندهم وواضح ان ودك تكتبها بطريقة انها تصير عالميه بس صايره شوي تلحس المخ
عدا عن هذي الاخطاء تظل القصه حلوه والهدف منها جميل وتحمست معها بصراحه بس تمنيت لو انك كتبتها بطريقه افضل
اتمنى لو تعيد كتابتها وتراعي هذي الاخطاء وتصدرها بطريقه افضل عشان يستفيد منها الكل ويستمتع بقرأتها وانت شف اللي يريحك وسويه
عموما اعطيها 5 من عشره والخمسه بس للقصه لانها عجبتني مره واعذرني على صراحتي لو جرحتك بس حبيت اعلق على الروايه وانتقدها حتى تحسن كتاباتك المرات الجايه
موفق اخوي ^_^
أخي الكريم، كيف تقول مبين إن عائلة البيتوني مسلمة؟ هم فقط يؤمنون بقضاء الله وقدره، ويحمدون ويشكرون ربهم على نعمه. وهذا منتشر في كثير من الديانات.
حذفبالعكس أنا أرى أن القصة طريقتها عالمية ورائعة جداً.
تركيزك على قضية إختلاط وغيره لم تفدنا.
أتفق معك على إنتقادتك الأخرى، شكراً لك.
وشكر جزيل للكاتب المبدع تركي.
.. عبدالعزيز المسفر
روايه شيقه .. بالنسبه لشاب مبتدأ فهي أكثر من رائعه ...
ردحذفننتظر منك المزيد من الروايات والقصص الرائعه ..
١/ فكرتها حلوه
ردحذف٢/أسلوب استرجاع المشهد بالفصل الثاني عشر اسلوب ذكي ذكي ذكي
٣/ رواية مشوقه ومستفزه بنفس الوقت.
٤/ النهايه غير مقنعه ......... وبعدين
٥/ وفاة غريم وياسمين مالها داعي.
٦/ ماهو مصير عائلة عمر.
الله يوفقك.
شكراً لك من علق على الرواية.
ردحذفبإذن الله نصائحكم أخذتها بعين الاعتبار.
روايه جمممممميله واﻷه يوفقك
ردحذفو الله*
ردحذفالروايه رائعه جدا انا عن نفسي قريتها قبل فتره طويله واعدتها اكثر من مره انا اعجبتي الروايه ولا اعطيك اي انتقاد ^_^ وانا معجبه في الروايه كانها اول روايه اقراها وانا انتضر جديدك بحمااسه وحلوه كثيير وانا يمكن البعض يقول بالغت لاكن وربي من شده حبي لها مدري كيف هع ^_^لاكن تسلم اناملك على هاذي الروايه ^_^
ردحذفتحياتي/DoOoDy-_-
أولاً شكراً لك على تعليقك وإعجابك بالرواية وهذا شيء يحمسني ويشجعني إني أنشر رواية ثانية قريباً...
حذفشكراً مرة ثانية.
تركي (او يوسف) مبدع من ذو الصغر
ردحذفبس استغربت انك تقول اول روايه لك مع اني قد قريت لك روايه اسمها القصر الخالي يمكن ماانتشرت بس كانت رائعه اتمنى لك التوفيق
ما شاء الله عليك..
حذففعلاً القصر الخالي كانت الأولى في كتابة الرواية، ونشرت قبل سبع سنوات وأكثر في المنتديات.
ملاحظة:- القصر الخالي لم أذكر أسمي فيها (على ما أذكر ) ، نشرت باسم مستعار؟
كيف ربطتي اسمي بالروايتين ؟
عشانك حلوه وقرات 5 مره روايه
ردحذفانا قريت لك والله يوفقك بس انا ماكملتها روحت مكتبه وقريت جزء بسيط بس والله يشرفني انه يوجد رجل او شخص سعودي يكتب روايات والله يكون معك وبالتوفيق و واصل ولا تخلي كلام البشر يحد من انجازاتك لانه من يشوفك بهذا القدر تراه بقدرة قادر يعود لك زحفا يطلب كرامته والله بعونك اخي انا اسمي رغد السلمي واكتب خواطر بالصف الاول متوسط
ردحذفواصل اخي لازم تبين ان الالم صورة لم تكتمل بعد
ردحذفرغد السلمي بالصف الاول متوسط
اسفهه العالم مو الالم *العالم
ردحذفوالله ما ابغى اجرحك لاكن الرواية ما عجبتني هل السبب اني عادة اقرأ للروائيين الاجانب فلم تعجبني روايتك لا اعلم صراحة ورواية فيها تفاصيل كثيرة ليست لها اهمية ولاكن اهنيك على عنوان الرواية انا عادة ا اشتري رواية كاتبها شخص ما اعرفه او غير مشهور ولاكن عنوان الرواية شدني وانا في معرض الكتاب 2013
ردحذفالروايه شيي خيال خصوصا انها من نوعي المفضل اللي نادر القاه
ردحذففي شي الناس لازم يعرفونه ان الكاتب كتب الروايه على حسب خياله وافكار مش عشان يرضي حميع القرائ ! الناس اذواق بالنهايه
الرواية كانت رائعة جداً حتى صدمتني نهايتها السيئة ، النهاية جداً سيئة ، عدلها بالشكل الصحيح وستصبح كاروعتها .
ردحذفلو سمحت ابغى اشتري نسخة ثانية من الكتاب وين ممكن القاه !؟
ردحذفالسلام عليكم
حذفحالياً متواجده بمكتبة العبيكان
اكثر قصة اثرت فيني قريتها قبل سنتين وما زلت اتذكرها بالحرف بس موت غريم وياسمين اكثر شي حزني
ردحذف